Mujhe hawai jehaz ki sub se khoufnaak baat, khas tour per lambi purwaaz per, yeh lagti hai ke aap musalasul chund ghuntoun ke liya bundh ke baith jaatay hain... phir agar qismet achi howi tu aap ko acha saath mil jata hai aur nahin, tu bhugtiyay.
Pichlay saal mein safar ker rahi thi, kuch 4 ghantay ki purwaaz thi, aur mera izteraab urooj per ke ab kaun saath hoga. Jub mein apni seat per pehunchi tu ek 6 saal ki bachi meray baraber bethi howi thi – woh apni seat belt nahin pehan paa rahi thi tu mein ne uski madad kerdi aur yahan se humari batoun ka silsila shuroo howa. Shaya akelay hi safar ker rahi thi aur us purwaz se bethnay se pehlay, woh teera ghantay safar mein guzaar chuki thi. Mein ne us se poucha ke Karachi mein ussay kaun lenay aye ga tu woh boli Rubina Mom. Mein ne poucha woh apni ammi ka naam kyoun le rahi hai... khali mom bhi kaha jaa sakta hai. Jawab aya ke yeh aasan hai. Mera sawal tha kya aasan hai? Shaya ka jawab mujhe hila denay ke liyay kaafi tha. Us ne kaha us ke dou maaien aur dou baap hain... Rubina Mom is a good mom. Sultan dad is good too. Magar uske ek Monster Dad hain aur ek witch mom hain. It is easy for her to differentiate. Jub mein ne poucha ke woh America se wapis kyoun aa rahi hai tu us ne kaha Monster dad ne usay janay nahin diya tha magar ab woh rubina mom ke saath rahay gi..yeh baat us ko family counsellor ne batai thi. Woh 6 saal ki bachi apnay bhai behan ki taadad nahin bata paa rahi thi – us ne kaha 6 behnain aur 6 bhai nahin 7. Aur dost koi bhi nahin.
Un chaar ghantoun mein Shaya aur mein achay dost banay - Jehaz ka khana, jo ke itna mazeedar nahin hota, us ne khanay se saaf inkar ker diya – us bachi ko junk food ke ilawa kuch khana nahin tha, us ke bag mein tamam tarah ki chocolates aur chips bharay howay thay. I was horrified looking at the sugar intake. She drew me near her and whispered that she has lots of money also and his good dad said not to tell this to anyone but because I was her friend, she told me.
Hum ne mil ker puzzles khelay aur colouring ki, mein ne dekha ke woh koi bhi cheez mukammal kernay se pehlay dosraa kerna shuroo ker deti thi. Woh mujhe se pouchnay lagi ke mein uski hamesha dost rahoun gi ya chour doun gi. Mein ne kaha rahoun gi... usi ke crayons se mein ne usko ek card bana ker diya aur apna email aur phone number bhi de diya. Us ke paas koi contact nahin tha... jehaz utarnay se aadhay ghantay pehlay usko jehaz ka amlaa utha ker saath le gaya.
I was left to my speculations... it was obvious that she came from a broken family where probably both her parents remarried and may be re-divorced. Not knowing the number of siblings and their name is an indicator enough to say how 6 year old Shaya has been affected... meray wehm o guman mein bhi is tarah ki dysfunctionality nahin thi. Hum bhai behnoun ko tu ek dosray se baat aur larai kiyay baghair saans bhi nahin aati!
Chund din pehlay meray paas ek phone aya, khatoun ne mera naam poucha aur kaha mein Rubina baat ker rahi houn. Mein pehchaan na saki, tu unhoun ne kaha kiya aapki koi bahut choti se dost buni hai? It took me a second to place her..... Shaya remembered me as I do her... hum donoun ke ehsaas mukhtalif aur yaad kerna ki wajah bhi mukhtalif.
Subscribe to:
Post Comments (Atom)
No comments:
Post a Comment